- Ի՞նչ է օծանելիքը և ինչի՞ համար է օգտագործվում։
Օծանելիքը բուրավետ հեղուկ է, որն օգտագործվում է մարմնին հաճելի հոտ տալու համար։
2. Ի՞նչ հիմնական բաղադրիչներից է կազմված օծանելիքը։
բուրավետ նյութերից եթերայուղերից կամ սինթետիկ, սպիրտից, ջրից
3. Ի՞նչ է եթերայուղը և ինչպե՞ս են այն ստանում։
Եթերայուղը բույսերից ստացվող խիստ բուրավետ, խտացված յուղ է։
Ամենատարածվածը գոլորշային թորման մեթոդն է, երբ բույսը տաքացնում են գոլորշով, գոլորշին վերցնում է բույրը և հետո սառեցնելուց առանձնանում է յուղը։ Ցիտրուսների դեպքում կեղևը սեղմում են և ստանում յուղը։ Կա նաև քաղման մեթոդը, երբ հատուկ նյութերով բույսից դուրս են բերում բուրավետ յուղը։
4. Ի՞նչ տարբերություն կա բնական և սինթետիկ բույրերի միջև։
Բնական բույրերը ստացվում են բույսերից կամ բնական նյութերից, ունեն ավելի բնական ու բազմաշերտ հոտ, բայց հաճախ ավելի թանկ են և քիչ կայուն։
Սինթետիկ բույրերը ստեղծվում են լաբորատորիայում, ավելի կայուն են, մատչելի և կարող են ունենալ ինչպես բնական, այնպես էլ նոր հոտեր։
5. Ի՞նչ է ալկոհոլի դերը օծանելիքի կազմում։
Ալկոհոլը օծանելիքում ծառայում է որպես լուծիչ․ այն լուծում է բուրավետ նյութերը, օգնում է, որ բույրը հեշտ տարածվի և արագ գոլորշիանա մաշկի վրա։
6. Ի՞նչ է լուծույթը, և ինչպիսի՞ լուծույթ է օծանելիքը։
Լուծույթը համասեռ խառնուրդ է, որը կազմված է լուծիչից և լուծված նյութից։
Օծանելիքը ալկոհոլային լուծույթ է, որտեղ բուրավետ նյութերը լուծված են սպիրտի մեջ։
7. Ինչպե՞ս է կոնցենտրացիան ազդում բույրի ուժգնության վրա։
Կոնցենտրացիան ուղիղ ազդում է բույրի ուժգնության վրա․ որքան բարձր է բուրավետ նյութերի կոնցենտրացիան լուծույթում, այնքան բույրը ավելի ուժեղ և կայուն է, իսկ որքան ցածր է՝ այնքան բույրը ավելի թույլ և արագ անհետացող է։
8. Ի՞նչ քիմիական հատկություններ պետք է ունենա լավ օծանելիքը։
Լավ օծանելիքը պետք է լավ լուծվի սպիրտում, լինի ցնդելի, որպեսզի բույրը տարածվի, լինի կայուն և ժամանակի ընթացքում չքայքայվի, ինչպես նաև անվտանգ մարդու համար։
9. Ինչպե՞ս կարելի է տնային պայմաններում պատրաստել օծանելիք։
Տնային պայմաններում օծանելիք կարելի է պատրաստել՝ բուրավետ եթերայուղերը խառնելով սպիրտի հետ։ Խառնուրդը պահում են մի քանի օր կամ շաբաթ, որպեսզի բույրերը միաձուլվեն, ապա ցանկության դեպքում ավելացնում են մի քիչ ջուր և ստանում պատրաստ օծանելիք։
10․ Ի՞նչ նյութեր և սարքավորումներ են անհրաժեշտ փորձի համար։
Փորձի համար անհրաժեշտ են սպիրտ, եթերայուղեր (բուրավետ նյութեր), ջուր, ինչպես նաև անոթներ խառնելու համար և շիշ՝ պատրաստ օծանելիքը պահելու համար։
11. Ինչպե՞ս ընտրել բույրերի համադրությունը։
Ընտրել իրար համապատասխան բույրեր, չխառնել շատ տարբեր նոտաներ, օգտագործել քիչ քանակ, փորձել մաշկի վրա և տեսնել արդյունքը
12. Ի՞նչ անվտանգության կանոններ պետք է պահպանել փորձ կատարելիս։
Չօգտագործել շատ մեծ քանակ, խուսափել աչքերի և վնասված մաշկի հետ շփումից, փորձել փոքր հատվածի վրա, չխառնել անհայտ նյութեր, աշխատել լավ օդափոխվող տարածքում
13. Ինչպե՞ս պահպանել պատրաստված օծանելիքը։
Պահել մուգ և սառը տեղում, հեռու արևի ուղիղ ճառագայթներից, պահել լավ փակված տարայում, չպահել բարձր ջերմաստիճանում, օգտագործել մաքուր շշեր
14. Ինչպե՞ս է բույրը ազդում մարդու տրամադրության վրա։
Բույրը ազդում է ուղեղի հոտառական համակարգի միջոցով երբ մարդը հոտ է զգում այն ազդանշան է ուղարկում ուղեղի այն հատվածներին որոնք կապված են զգացմունքների և հիշողության հետ դրա պատճառով հաճելի բույրերը կարող են հանգստացնել ու բարձրացնել տրամադրությունը թարմ բույրերը կարող են ակտիվացնել քաղցր կամ մեղմ բույրերը ստեղծում են հարմարավետության զգացում և որոշ հոտեր կարող են հիշողություններ արթնացնել ու փոխել տրամադրությունը
15. Ինչո՞ւ են օծանելիքները ունենում տարբեր «նոտաներ» (սկզբնական, միջին, վերջնական)։
Օծանելիքները ունեն տարբեր նոտաներ, որովհետև տարբեր նյութերը տարբեր արագությամբ են գոլորշիանում և տարբեր ժամանակներում են զգացվում սկզբնական նոտաները զգացվում են առաջինը և արագ անցնում են միջին նոտաները ձևավորում են օծանելիքի հիմնական բույրը և ավելի երկար են մնում վերջնական նոտաները ամենաերկարն են պահվում և տալիս են կայուն բույրի հիմք
16. Ի՞նչ գործոններ են ազդում օծանելիքի կայունության վրա։
Օծանելիքի կայունության վրա ազդում են մաշկի տեսակը, օծանելիքի խտությունը, շրջակա միջավայրի ջերմաստիճանն ու խոնավությունը, բույրի բաղադրիչները, պահման պայմանները և կիրառման վայրը։
17․ Ինչպե՞ս կարելի է գնահատել պատրաստված օծանելիքի որակը։
Պատրաստված օծանելիքի որակը կարելի է գնահատել բույրի հավասարակշռությամբ, կայունությամբ, մաշկի վրա պահպանման տևողությամբ, բույրի աստիճանական բացահայտմամբ և բաղադրիչների մաքրությամբ ու ներդաշնակությամբ։
Միլենա Կարապետյան բլոգ 